15 MELODIES ARRANGED FOR GUITAR

SHPERTHIMI I GAZETARISE

Përdorim rrjetet sociale, por a dimë të komunikojmë profesionalisht me anë të tyre?Përse teknologjitë e reja të informacion-komunikimit shtojnë mitologjitë urbane?A është media masive e rrezikuar rëndë nga Interneti?Përse mediat nuk i korrigjojnë dot institucionet e këqija?Përse gazetaria nuk duhet ta shtrojë pyetjen Pse?Kush i kthen audiencat në opinion publik, dhe opinionin publik në turmë?A ka demokraci pa publik të informuar saktë?A do të ketë më televizione shqiptare?Si po e zëvendëson ekrani i telefonit smart ekranin e televizorit?Kush po e pengon Shqipërinë të dixhitalizohet?Përse gazetaria qytetare nuk është gazetari?A kanë një shans të mbijetojnë gazetat në letër? Si?Si po e shkatërron rendja pas audiencave cilësinë e përmbajtjeve televizive?Si do të komunikojë njeriu në shekullin XXI?

MEDIAMORFOZE DHE METAKOMUNIKIM

Nocione Te Gazetarise

Nje Dialog I Pambaruar

Sarkazma për ‘katandisjen’ e nivelit të politikës në vend ose bëmat e baballarëve të kombit, vijnë para lexuesit me humor të hollë, qesëndisje elegante, e të ndërthurur këndshëm, për aq sa duhet, me një fjalor “banal”, që i jep lezetin një gatimi mbresëlënës, ku shija “djegëse” është qershiza mbi tortë.... Udhëtimi i Veizit në jetën e shqiptarit është pa as më të voglin dyshim tre dimensionalësh, duke fshikulluar demagogjinë qeverisëse, apo elitën drejtuese, thelbin e mendësive tona e deri në transformimet urbane e bjerrjen e vlerave të trashëgimisë sonë shpirtërore e kulturore. Autori në këtë zinxhir publicistikash nuk mbetet thjesht e vetëm në stadin e konstatimit, por mjeshtërisht parashtron vëzhguesin e vëmendshëm edhe në detaje që ndodhin para syve tanë, por që i anashkalojmë me apo pa ndërgjegje.

Depresioni Blu

Ky libër i kushtohet pikërisht njohjes së karakteristikave të editorialit dhe se si është përdorur ai në terrenin mediatik shqiptar, duke ngritur pyetje të tilla si: Pse nuk ka një reagim të qëndrueshëm redaksional në redaksitë shqiptare dhe pse disa redaksi nuk janë të interesuara për ta patur editorialin? A kemi të bëjmë me një përgjigje të thjeshtë: Për shkak të tulatjes dhe dëshirës për të mos dalë në një luftë frontale, e cila ka gjithfarë shkaqesh: ndikimin e politikës, interesat ekonomike, nevojën për reklama, ndikimin e pronarit, pozicionimin politik dhe preferencat e drejtuesve?!  Libri mbështetet në disa teori e modele, të cilat zbërthejnë medien, politikën, por mbi të gjitha komunikimin mes tyre dhe me lexuesin. Paradigma e studimit, mbi të cilin është shkruar ky libër, mbështetet te lidhja e ngushtë editorial-politikë (komunikimi dhe mesazhi politik). Kryesisht nga hulumtimi do të kuptohet roli i editorialit në shtypin shqiptar të 25 viteve dhe nëse ai ka shërbyer si katalizator i zhvillimeve politike në Shqipëri, bazuar në shkollën e komunikimit të Palo Altos: “Gjithçka është komunikim dhe media vepron si agjendë-përcaktuese rreth asaj që duhet të dijë ose nuk duhet të dijë publiku, teksa vetë media është nën ndikimin e fortë të politikës”.

Editoriali Ne Shtypin Shqiptar

Me analiza politike për zhvillimet në Kosovë, në Maqedoni; për disa probleme me Greqinë; për marrëdhëniet me Uashingtonin e Brukselin. Botues: Fondacioni ALSAR me president z. Mehdi Gurra. Ky fondacion ka nxjerrë në dritë nga harresa disa vepra madhore të kulturës sonë kombëtare, botimi  të cilave do ta kishte nderuar Akademinë e Shkencave.
----------
“Pikërisht këtë të enjte, më 12 shtator, qe 80-vjetori i themelimit të Kishës Ortodokse të Pavarur Shqiptare. Më kot pritën besimtarët dhe gjithë shqiptarët që t’i binte ndërmend dikujt me e përkujtue këtë Ditë. Nuk ranë kambana për nder të saj. Nuk u dha meshë. Nuk u bë tubim. Nuk foli dikush në ekran dhe po ashtu nuk shkroi në ndonjë gazetë të pavarur... Nuk u tha një fjalë për të përndriturin Imzot F. Noli, themeluesin e saj. 
Dhe ishte një përvjetor rrumbullak: plot 80 vjet!
Është rastësi kjo heshtje?
Diçka më shumë se një muaj ka kaluar nga festimet e 10-vjetorit të fronëzimit të hirësisë së tij kryepeshkopit Janullatos, në krye të Kishës Ortodokse Autoqefale Shqiptare. Kremtimet u bënë me ceremoni e shumë zhurmë. Kanalet televizive, përfshi televizionin shtetëror (”publik”!), për të cilin paguajmë taksa të gjithë, përcollën me lidhje të drejtpërdrejtë për orë të tëra veprimtaritë me këtë rast. Nuk munguan urimet, vizitat, përshëndetjet,  edhe prej krerëve të shtetit.
Është rastësi kjo zhurmë?

Heshtje Varri Per Nje Djep Te Shenjte

Libri “Shqipëria në reportazhet e gazetarit Robert Vaucher” mishëron pikërisht një këndvështrim të tillë në trajtimin e Luftës së Parë Botërore në Shqipëri, një një stil më vete në tërësinë e gazetarisë e reportazhit nga terreni çka sjell drejtë për së drejtë realitetet shqiptare, franceze, italiane e intrigat ballkanike greke, serbe e malazeze të viteve 1916-1917 dhe ndikimet e tyre mbi popullsinë shqiptare. 
Është shumë e vështirë për kuptuar këtë puzzle ballkanik nëse nuk ke për udhërëfyes një kronologji historike, dokumenta historike dhe një dëshmi të drejtë për së drejtë nga terreni sesi kanë vepruar dhe janë përfshirë në këto ngjarje prijësit e çetave patriotike shqiptare. Në reportazhet e Vaucher skicohen veprimet luftarake të prijësve të çetave patriotike shqiptare si Sali Butka, Themistokli Gërmenji, Ali Çepani në një teritor të ngushtë ku mpleksen interesat austro-hungareze, franceze, italiane e greke dhe dëshira e tyre për t’i shërbyer Shqipërisë.

Shqiperia Ne Reportazhet E Robert Vaucher - L'albanie Dans Les Reportages De Robert Vaucher

Ky libër i dy prej autorëve mjaft të njohur sot në botë, Edëard S. Herman dhe Noam Chomsky, analizon se mediet: “janë institucione ideologjike efektive dhe të fuqishme, që kryejnë një funksion propagandistik mbështetës të sistemit, duke u mbështetur në forcat e tregut, në supozime të brendshme dhe vetëcensurë, dhe pa detyrim të hapur, me anë të modelit propagandues të komunikimit”. 
Në vendet ku levat e pushtetit janë në duart e një burokracie shtetërore, kontrolli monopolist mbi medien, shpesh i plotësuar nga censura zyrtare, e bën të qartë se mediet u shërbejnë skajeve të një elite dominuese. Është shumë më e vështirë të shihet një sistem propagandistik në punë, kur mediet janë private dhe kur mungon censura zyrtare. Kjo është veçanërisht e vërtetë atje ku mediet konkurrojnë në mënyrë aktive, sulmojnë në mënyrë periodike dhe ekspozojnë keqbërjet e korporatave dhe të qeverive, dhe e portretizojnë veten në mënyrë agresive si zëdhënëse të fjalës së lirë dhe të interesit të përgjithshëm të komunitetit.

Ajo që nuk është e dukshme (dhe mbetet e padiskutuar në media) është natyra e kufizuar e kritikave të tilla, pabarazia e madhe në komandimin e burimeve dhe efekti i saj si në qasjen në një sistem të medieve private, ashtu edhe në sjelljen dhe performancën e saj.

Fabrikimi I Bindjes Permes Politikave Te Medies

Revista “Përpjekja Shqiptare” (vitet 36-39) e Branko Merxhanit (1894-1981), është vlerë e veçantë e sistemit tonë kulturor. Shkrimet që janë botuar në këtë revistë i duhen edhe botës së sotme shqiptare, ku, mjerisht, ndjehet mungesa e ndjenjës për jetën e përbashkët dhe lodhja morale, që sipas Merxhanit janë fillimi i dekompozimit të një populli dhe të një shoqërie. “Përpjekja Shqiptare” është revistë e mirëmenduar dhe e përgatitur me përkushtim e kompetencë. Është nga “revistat që na duhen” dhe jo nga “revistat që shkojnë”. Është ndër më të mirat në fondin e revistave shqiptare, ku janë botuar studime filozofike, letrare, sociale e politike, polemika, por edhe përkthime të shumta.

“Përpjekja shqiptare” është revistë që u përgatit nga një mendje e bukur, nga Branko Merxhani, i cili erdhi në Shqipëri në fund të viteve 20 dhe u bë i njohur nëpërmjet shkrimeve që i botoi në revistat: “Demokratia”, “Neoshqiptarizma”, “Përpjekja Shqiptare”, “Minerva” dhe “Ilyria”.

Perpjekja Shqiptare I+ii

Shekulli i XX është koha e dyndjes kulturore dhe mediatike. Kornizat e lashta të kulturës popullore dhe kulturës dijetare shpërthejnë prej trysnisë së industrive kulturore, madje dhe kultura e masave që po afirmohet që prej fundit të shekullit XIX po tronditet prej mënyrave të reja karakteristike të konsumimit të shoqërive perëndimore. Një lloj homogjenizimi kulturor, i farkëtuar mbi modelin amerikan, duket se ka prekur Evropën perëndimore. Disa shqetësohen duke parë tek “amerikanizimi” burimin e një sundimi që do të përfundojë me humbjen e identitetit kolektiv. Ca të tjerë alarmohen më së pari prej efekteve të ligj të lulëzimit të kulturës së masave, siç janë sociologët e Shkollës së Frankfurtit. Në Kulturindustrie, më 1947-n, Adorno dhe Horkheimer shkruajnë: “Filmi, radio dhe revistat përbëjnë një sistem. Çdo sektor është i njëtrajtësuar dhe të tërë janë njëtrajtësuar në lidhje me njëri-tjetrin”. Madje para se të shfaqet televizioni, masmediet, në këndvështrimin e tyre, paraqesin tashmë kuintesencën e industrive kulturore rrafshuese. Mediet, të nënshtruara ndaj vlerave tregtare dhe racionalizimit kapitalist, krijuese të nën- produkteve të standardizuara, me përmbajtje konformiste, do ta rrënonin premtimin për kulturë emancipimi dhe do të përdoreshin metodikisht për të tjetërsuar më të dobëtit, më të varfrit, më pak të arsimuarit. E thënë ndryshe, që prej pas-luftës, tashmë me një përpjekje dhunshëm kritike, reflektimi intelektual lidh kulturën, mediet dhe pushtetet, për rrjedhojë pushtetin ekonomik. Edhe ky konstatim i thjeshtë do ta justifikonte lëndën e këtij punimi.  Por për çfarë po flasim këtu? Një kalim nëpër përkufizime nuk mund të jetë pa vlerë.

Media dhe Komunikim

15 MELODIES ARRANGED FOR GUITAR

SHPERTHIMI I GAZETARISE

MEDIAMORFOZE DHE METAKOMUNIKIM

Nocione Te Gazetarise

Nje Dialog I Pambaruar

Depresioni Blu

Editoriali Ne Shtypin Shqiptar

Heshtje Varri Per Nje Djep Te Shenjte

Shqiperia Ne Reportazhet E Robert Vaucher - L'albanie Dans Les Reportages De Robert Vaucher

Fabrikimi I Bindjes Permes Politikave Te Medies

Perpjekja Shqiptare I+ii

Kulture Media Pushtete

15 MELODIES ARRANGED FOR GUITAR

SHPERTHIMI I GAZETARISE

MEDIAMORFOZE DHE METAKOMUNIKIM

Nocione Te Gazetarise

Nje Dialog I Pambaruar

Depresioni Blu

Editoriali Ne Shtypin Shqiptar

Heshtje Varri Per Nje Djep Te Shenjte

Shqiperia Ne Reportazhet E Robert Vaucher - L'albanie Dans Les Reportages De Robert Vaucher

Fabrikimi I Bindjes Permes Politikave Te Medies

Perpjekja Shqiptare I+ii

Kulture Media Pushtete